Religion:Pamumuwesto

Gate of Jerusalem

Ang unang-una naming napuntahan kung saan ang aming gabay sa paglalakbay ay nagtalakay ukol sa aming mga pupuntahan. Ang gate na ito ay tinatawag na Ciudad Mistica De Dios. Pinaniniwalaan na ito ay ang lagusan patungong langit at ang gate na ito ay may mga bandila ng iba’t ibang bansa na nangangahulugang lahat ay maluwag na tinatanggap sa gate na ito.

Husgado

Ito ay isang maliit na kweba na pinaniniwalaang siyang maghuhusga kung ikaw ay makasalanan o hindi. Ang kwebang ito ay lumiliit o lumaluwag depende sa kasalanang iyong nagawa. Kapag ikaw ay tumahak na sa kweba, hindi ka na maaring bumalik pa dahil kailangang tapusin ang iyong sinimulan. Kapag ikaw ay nakalabas ng maayos at walang galos sa kweba ay ang ibig sabihin ay hindi ka makasalanan, samantalang makasalanan ka naman kung ikaw ay mayroong galos o sugat sa katawan sa paglabas mo ng kweba ng husgado.

Kalbaryo

Kami ay umakyat ng kalbaryo matapos kaming makatawid sa kweba ng husgado. Napakataas ng kalbaryo kaya matagal bago kami ay makaakyat sa tuk-tok. Maituturing nga itong kalbaryo dahil ito ay matarik at matayog na burol. Ang kalbaryong ito ay sumisimbolo sa sakripisyong ginawa sa atin ng diyos. Ang tatlong krus sa tuktok nito ay kagaya ng mga krus sa bibliya. Ang paghihirap ng diyos ay hindi matutumbasan ng kahit sinuman.

Book of Life

Hindi man kami nakapagtirik ng kandila sa Book of Life na ito. Naikwento pa rin sa amin ang tungkol dito. Pinaniniwalaan ng mga tao roon ay kapg ikaw daw ay nagtirik ng kandila at humiling habang sinusulat mo ang pangalan ng tao na iyong ipinagdarasal, matutupad daw ang mga hiling mo sa diyos at pagpapalain ka.

River

Papuntang ilog ay napakalayo rin ang lalakbayin at sa pagdating ng hagdanan na mayroong 280 mahigit na hagdan sinabi sa amin ng gabay na pinaniniwalaan dawn a kapag nabilang mo ang tamang numero ng mga hakbang na gagawin mo pababa sa matarik na hagdanan papuntang ilog ikaw raw ay humiling sa diyos at matutupad daw ito. Ang tubig ng ilog ay sinasabing nakapagpapagaling ng sakit kaya tiniis namin ang sobrang lamig na tubig ng ilog.

 Reflection

Natuto kaming rumespeto sa mga iba’t ibang paniniwala ng mga tao roon at marami pa kaming natutunan sa araw na iyon. Kahit iba’t iba ang mga paniniwala ng mga tao dapat nagtutulungan pa rin ang mga ito at nagkakaisa. Isa itong matagumpay na paglalakbay dahil kami ay mas naging mabuting tao sa mga nalaman namin sa pagpunta roon.